શેરોનો આનંદ (મુક્તક)

રદીફ કાફિયાની ચર્ચા જવા દો!
શેરોનો આનંદ મને માણવા દો
એ આનંદને વિશ્વમાં વહેંચવા દો
આદિલના આત્માને સદા હરખાવા દો.

CHAIN IS A CHAIN by Harshavi Patel

વિવેકે ‘લયસ્તરો’ વેબસાઈટ પર હર્ષવી પટેલની “સાંકળ તો સાંકળ છે” ગઝલ પોસ્ટ કરી છે.

મારો પ્રતિભાવઃ

જ્યારે મને કોઈ કૃતિ ખૂબ જ ગમે છે ત્યારે હું એને વિશ્વભાષા અંગ્રેજીમાં અવતાર આપવા પ્રયત્ન કરું છું.

CHAIN IS A CHAIN

Moves farther away and cheats, mrugajal is mrugajal,
To wet comes near from far, cloud is cloud,

It could be boring, but the road takes somewhere,
It could be of gold but chain is a chain,

Intense is the relationship of two eyes with tears,
And the kajal will spread, kajal is kajal,

How in e-mail can one find the edited words?
With the pleasant struggle of editing the paper is paper,

From behind did we see the real face of the world,
Let my luck be two steps ahead yes ahead.

હર્ષવી પટેલની “સાંકળ તો સાંકળ છે” ગઝલની લીંકઃ
http://layastaro.com/?p=14842

ગઝલનો મહિમા (મુક્તક)

દુઃખ દર્દ કાપે ગઝલ
સુખ ચેન આપે ગઝલ
પ્રણય-બીજ સ્થાપે ગઝલ
વિશ્વમાં વ્યાપે ગઝલ …

નજરો મળી પણ … !

વિવેકે ‘લયસ્તરો’ પર ગિરીશ પરમાર ‘રઢુકિયા’ની “ક્યાં જઈ…” ગઝલ પોસ્ટ કરી છે.

ગઝલ ગમી. આ શેર વધુ ગમ્યોઃ

કેટલા વર્ષો પછી નજરો મળી,
હોઠ મરક્યા, ના થયો સંવાદ પણ.

પણ એ પછી એ હોઠોનું મરકવું વર્ષો સુધી સ્મૃતિપટ પર જળવાઈ રહે.

પ્રેમપૂર્વક, સહજ રીતે હોઠ મરક્યા પછી શબ્દોની જરૂર ખરી?

મારા ગઝલગુરુ આદિલ મન્સૂરીનો આ શેર યાદ આવ્યોઃ

ઓછો છે સમય આંખને વાચા આપી
આદિલ આ મિલન કેફમાં ડોલી લઈએ

આદિલજીની ક્ષમાયાચના સાથે લખું છુંઃ “આંખ”ની જગાએ “હોઠ” મૂકી શકાય!

આ ગિરીશની બે પંક્તિઓઃ

વ્હાલું મોડેસ્ટો અમોને છે જ છે
 બાવળા કેરાળા વ્હાલાં છે જ પણ.
–ગિરીશ પરીખ (મોડેસ્ટન Modestan)
મોડેસ્ટો કેલિફોર્નિયા

અને બીજી બે પંક્તિઓઃ

મૂળ અમદાવાદના મુજ પૂર્વજો
ગિરીશને વ્હાલું એથી અમદાવાદ પણ!

ઉપરની ચાર પ્ંક્તિઓ ગિરીશ પરમાર ‘રઢુકિયા’ને અર્પણ કરું છું.

ગિરીશ પરમાર ‘રઢુકિયા’ની “ક્યાં જઈ….” ગઝલની લિંકઃ
http://layastaro.com/?p=14331

ગઝલનો સાક્ષાત્કાર !

વિવેકે હરીશ ઠક્કરની ગઝલ પોસ્ટ કરી છે. પ્રથમ શેર છેઃ

જિંદગી સાક્ષાત્ થાતી હોય છે,
પણ પ્રસંગોપાત થાતી હોય છે. 

ગઝલનો સાક્ષાતકાર કરાવે છે આ ગઝલ !

વિવેકનો આસ્વાદનો સ્વાદ પણ અનોખો છે!

જેમ દૈવી અવતારો અનેક હોય છે એમ ગઝલના સાક્ષાત્કારો પણ ઘણા હોય છે. સાક્ષાત્કારનું આ ગઝલ એક ઉદાહરણ છે.

અલબત્ત ગઝલનો સાક્ષાત્કાર “પ્રસંગોપાત” થાતો હોય છે !

હરીશ ઠક્કરની ગઝલની લીંકઃ

http://layastaro.com/?p=13161

લેખકને પ્રાણપ્રશ્ન ! (મુક્તક)

હું ખરેખર
લખું છું ?
કે લખ-લખ
કરું છું ?

ઉપરનું મુક્તક સ્ફૂર્યું તીર્થેશે પોસ્ટ કરેલી હર્ષ બ્રહ્મભટ્ટની ગઝલ “રણમાં તરે છે !”માં નીચેનો છેલ્લો શેર વાંચતાંઃ
બહુ ઓછા છે જે લોકો લખે છે,
ને મોટા ભાગના લખ-લખ કરે છે.
આ મુક્તક તીર્થેશ તથા હર્ષ બ્રહ્મભટ્ટને અર્પણ કરું છું.
હર્ષ બ્રહ્મભટ્ટની ગઝલની લીંકઃ
http://layastaro.com/?p=12764

ઉપર … નીચે … ! (ચતુર્શબ્દ મુક્તક)

ઉપર
નીચે … !
નીચે
ઉપર … !

માને પ્રાર્થના (ચતુર્શબ્દ મુક્તક)

માતા
રાખો
લાજ
અમારી.

જગજ્જનની (ચતુર્શબ્દ મુક્તક)

જગજ્જનની
ના
છોડે
બાળક.

લેખકને પ્રાણપ્રશ્ન ! (ચતુર્શબ્દ મુક્તક)

લખું
હું
શા
માટે ?